الانانية اسبابها وعلاجها

دايما تسمع من الناس كلمة .. ده شخص انانى يعنى بحب نفسه

هى الانانية انى احب نفسى فعلا ؟؟

لا طبعا

كل واحد فينا لازم يحب نفسه .. و طول ماهو مش بحب نفسه مش حيحب غيره .. حب النفس يعنى الرضا عنها .. الثقة .. احساسك انك من جواك كويس

لكن الانانية ليها معنى تانى

"الانانية هى حب النفس المطلق....بالتجرد عن الضرر الذي قد يحدثه للآخرين سواء كان هذا الضرر نفسيا أو ماديا."

كل تفكيرك بيبقى فى مصلحتك انت و ارضاء نفسك و بس

و الواقع بيقول انك مش عايش لوحدك...فى ناس كتير حواليك...الناس دى عايشة معاك فى نفس المجتمع .. و فى منهم معاك فى نفس الشارع .. فى نفس البيت .. فى نفس المدرسة او الكلية .. فى نفس الشغل

مينفعش تفكر فى نفسك و تنسى الناس دى كلها


لما تبقى مش شايف حد صح حواليك غير نفسك تبقى انانى .. لازم تسمع للناس و تتناقش معاهم لانك اكيد مش ملاك

لما تتكل على غيرك و تريح نفسك و تصعد على اكتاف الاخرين يبقى انت انانى

لما تفكر فى شهواتك و ملذاتك بغض النظر عن الضرر الى حيرجع منها على الناس يبقى انت انانى

لما متحبش الخير غير لنفسك يبقى انت انانى

لما تغير من حد انجح منك و تحقد عليه و تتمنى انه يفشل او تحاول تضره يبقى انت انانى

لما تبقى زوج متسلط بتطلب من المراة الحب و العطف و الحنان و الاستقرار و مراعة الاطفال و العمل و انت مش بتديها ابسط حقولها يبقى انت انانى

لما تبقى ست و زوجة و تفكرى فى مصلحتك او شغلك او متعتك و رفاهيتك اكتر من بيتك و اولادك و متديش جوزك حقه فى كل حاجة يبقى انتى انانية


حتى الاب ساعات بيبقى انانى لما بيفرض على ابنه مستقبله و مش بيديله فرصة يختار .. او يدور على متعته و ينسى بيته

الانانية صفة ممكن تجر معاها صفات تانية اسوأ زى الحسد و الكدب و البخل و النفاق والتمرّد والاستعباد والطغيان على الناس و عدم الحياء

الشخص الانانى شخص غير مرغوب فيه من الى حواليه و دايما الناس بتنفر منه .... غير مبالى باى دمار او مصيبة او تفكك اسرى او ضرر بيحصل من ورا انانيته .. كل الى بفكر فيه هو ارضاء نفسه و بس .....الشخص الانانى بتلاقيه دايما ببالغ فى اظهار مهاراته و ابتكاراته حتى لو عن طريق الكدب


ويكون تعامل الشخص الأناني مع نفسه فقط ، غير متعاون ، غير سخي ، يعيش في محيطهُ الأجتماعي

دون عطــــاء !

فنحنُ بالتأكيد بشر نعيش في مجتمع نتفاعل سوياً ، لاغنى عن الأنسان عن الأنسان

ولاوجود للأنسان اذا كان يقدم جميع الأمور لصالحه فقط ، مع نسيان مصلحة الجماعه

فمصلحة الجماعه من مصلحة الفرد

فبدون شك سيأتي يوماً لهذا الأنسان ويشعر بقيمة الحاجه والتعاون ! عندما يصادف المواقف ،، و يكون في اشد الحاجــه الى الآخريــــــــن

حياة الانانى غالبا بتكون حياة تعيسة .. لانه صعب جدا ارضاءه .. بيبقى دايما عايز اى حاجة و كل حاجة

ان الانانية تنمو داخل الانسان كالشجرة الخبيثة بل ويمكننا وصفها بالسرطان الذي ينهش جسد صاحبه حتى يموت بغيظه وقهره,,!

طبعا كلنا ممكن فى اوقات كتير نكون انانيين فعلا بس بشكل غير ملحوظ او نادر

بس الانانية لما بتزيد عن الحد المطلوب بتتحول لمرض نفسى مدمر للشخص الانانى

الانانية كلمة صغيرة ولكن مضمونها خطير وراحة البال لا تأتي بها ابدا.


وبين لنا ذلك رسولُ الله ( صلى الله عليه وآله وسلم ) عنـــــــدما قال [ أتدرون ما المفلس ] قالوا : المفلس فينا من لا درهم له ولا متاع . فقال : [ إن المفلس من أمتي يأتي يوم القيامة بصلاة وزكاة ويأتي قد شتم هذا، وقذف هذا، وأكل ما هذا، وسفك دم هذا وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضي ما عليه أخذ من خطاياهم فطرحت عليه ثم طرح في النار] صدق الرسول الكريم.


============================================


اسباب الانانية
------------------

- التربية الخاطئة من الأبوين للأبناء في الصغر وعدم توعيتهم على اجتناب الأحقاد والاستيلاء الفردي وغيرها ذلك قد يسبب الأنانية ولكن في بعض الأحيان يكون الوالدين هم مُصابون بالأنانية فهذه علة ٌ أكبر

-، الحرمان ... لا نريد كثرة الدلال للأبناء لأنها قد تفسدهم ولكن لا نريد أيضاً حرمانُهم ويجب أعطائهم متطلباتهم بشكل ٍ معقول وغير مُفرط وخاصة ً الأمور المادية كي لا يتوسع ذلك الحرمان والأنانية في الكبر

-كثرة العقاب على أتفهُ الأمور و السفاسِف هي ليست بالتربية السليمة لأنها قد تحوّل ذلك الناشئ لشخص أناني في كبره يتلذذ بعقاب الآخرين كما عُوقب في صِغره

-تحقير وكسر الشخصية والتقليل من الشأن والضرب خاصة ً أمام الآخرين والإحراج الغير مقبول والإهانة قد توّلد الأنانية والكره للغير

- تفضيل الأبوين أبن على ألآخر (أخوك أفضلُ مِنك بكذا وأنت لا تفهم وغيرها ) قد تدفعه لكره أخوه وتسيطر عليه الأنانية

-- عندما يكون الإنسان صاحبة إعاقة أو داء ٍ مزمن أو عاهات ٍ جسدية محرجة إنها أيضاً يولد عند بعض الأشخاص الأنانية

-الفقر و عدم القدرة على تلبية الاحتياجات اليومية

-وفاة الوالدين مُبكراً ( اليتم ) أحد أسباب الأنانية المُندرجة من الحرمان العاطفي و الإحساس بالأبوة والامومة

========================================


علاج الانانية
-----------------

المجتمع والأسرة لهم دورٌ كبيرٌ في ذلك لأن المولود في الواقع يتأثر بالعوامل المحيطة به فيجب تعليمه وتعويده من صغره على عدم الأنانية وأن يحُب لغيره ما يحبه لنفسه قال رسول الله ( صلى الله عليه وآله وسلم ) [ حب لأخيك ما تحب لنفسك ]،

ويجب علينا أن نصّفي أنفسنا من صفة الأنانية هذه الصفة المكروهة ونبتعد عن الرغبات النفسية لأنها منشأ الاختلافات وهي من أهواء النفس الشيطانية،

والتعوّيد على حب التعاون والأعمال الجماعية والاختلاط والتقارب أيضاً له دور مهم ،

والأنانية هي نتيجة تربية أسرية خاطئة فيجب على الأسرة مراجعة قراراتها للتخلص من هذه الآفة والسلوك الخاطئ،

ويجب أن نقطع نبتة الأنانية المزروعة في أنفسنا ونزرع فيها المحبة قال الإمام علي ( عليه السلام ) [ ثمرة المحاسنة صلاح النفس ]


-الانانى لازم يفكر و يحط نفسه مكان الناس فى كل موقف بيعمله .. و يشوف لو هو مكان الناس دى حيحس بايه و حيتأذى ازاى و ايه الضرر الى حيحل عليه
اهم حاجة يتقنع الاول انه انانى فعلا .. و ده دور الناس الى حواليه .. انها تنبهه لكده .. توعيه انه انانى و تقنعه بده .. بعدها هو يبدأ يفكر و يشوف هو انانى فى ايه .. و ايه المفروض كان يعمله .. لازم يحاسب نفسه كل يوم على كل موقف عمله .. و يشوف فين الانانية فى الموقف ده مهما كان بسيط .. و يحاول يحط التصرف الصح المناسب الى يخليه مش انانى

- الانانى لازم يفكر ان عمره ما حيملك كل حاجة و الا حيبقى احسن واحد فى الدنيا .. و اذا قدر النهاردة ياخد كل حاجة بكرة حييجى ناس انانية اكتر منه تاخد منه هو كل حاجة .. و ساعتها حيبقى محتاج اوى للناس الى هو كان انانى معاهم .. و طبعا مش حيلاقيهم حواليه و حيبقى عايش لوحده مدمر و ملوش اى قيمة و منبوذ